JÒC-CONCORS DE POESIA A REN NON CÒST 2007, lo tèma n'es “lo flume Erau”

Reglament :
Article 1: L'associacion "de còr d'Erau e d'òc" organisa un jòc-concors de poësia que a per tèma "Lo flume Erau" dubèrt a totes (adults e enfants) d'expression occitana e francesa d'Erau.
Article 2: Totas las formas poeticas son admesas. Pasmens, lo poëma deurà pas despassar 1 pagina.
Article 3: L'associacion accepta los tèxtes manuscriches, dactilografiats o per emèls a la condicion que l'adreça postala e los contactes telefonics de l'expeditor sián precisats.
Article 4: Cada concurrent pòt mandar sonque un tèxt al secretaria de l'associacion per corrièr o emèl. Las classas de cicle 1 e 2 pòdon realizar d'òbras collectivas.
Article 5: La data limit de mandadís dels tèxtes es fixada al 15 de junh de 2007.
Article 6: Totes los poëmas reçauputs seràn dactilografiats d'un biais meteis pel secretariat de "de còr d'Erau e d'òc" abans lor presentacion, d'un biais anonim, a la Jurada.
Article 7: La Jurada retendrà trenta poëmas e sortirà los tres que li semblaràn los melhors. Las decisions de la Jurada d'al mens cinc personas son sens apèl.
Article 8: De còr d'Erau e d'òc editarà un CD que comprendrà, al minimum, los 30 poëmas retenguts. Los laurejats seràn prevenguts per l'associacion.
Article 9: Las resultas seràn balhadas pendent la passejada contada en matinada del 24 de junh de 2007 a Ginhac. Los tèxtes seràn legits per lors autors o per de professionals de la lectura en fin de passejada en preséncia dels poëtas occitans, Joan-Pau Creissac e Joan-Maria Petit.
Article 10: Cadun(a) de las classas participanta aurà un exemplari del CD 2007 pendent aquela passejada poëtica e golarda. Los tres primièrs laurejats auràn tanben un exemplari del CD.
Article 11: La participacion al concors val autorizacion tacite de reproduccion del tèxt pendent los rescontres (afichatge), eventualament dins lo recuèlh, lo jornal e lo sit Internet de l'associacion. Implica l'acceptacion del present reglament.
Article 12: Los poëmas devon èsser adreçats a : Sénher Felip Jolièr, 10 carrièra dels jardins 34230 Posòls o, per emèl a decorderauedoc@gmail.com
Article 13: La tièra dels laurejats serà espingada, l'endeman de " la passejada en matinada " 2007, sul sit internet de còr d'Erau e d'òc : http://decorderauedoc.blogspot.com/

Los concurrents que desiran d'obténer comunicacion de las resultas son convidadas a jónher una envelopa sagelada a lor mandadís o de donar lor adreça mèl.